3 October 2026
香港窗簾價錢攻略 2026：布簾、捲簾、百葉簾每呎費用拆解
價格選購指南
窗簾點樣計價？先搞清楚「呎」係邊個呎
香港窗簾報價最常見的混淆，係布料呎價按「布闊」計，唔係窗闊。因為窗簾要打折先有波浪效果，實際用布量通常係窗闊的 1.5 至 2 倍。所以同一個窗，用唔同打褶方式，價錢可以差成三成。
報價單通常分開三部分，問清楚先至唔會中伏：
- 布料／簾身費：捲簾、百葉簾按平方呎；布簾多數按幅或按碼
- 路軌／配件費：鋁路軌、靜音路軌、電動路軌價錢差好遠
- 上門度尺同安裝費：有店包安裝，有店分開收每幅人工
各類窗簾市場參考價（2026）
以下係香港市場常見參考範圍，實際視乎布料等級、尺寸同安裝難度：
- 捲簾：半遮光約 $80–150/平方呎；全遮光約 $120–250/平方呎。連安裝計，標準窗（約3呎闊×7呎高）半遮光約 $350–550/幅，全遮光約 $500–800/幅
- 布藝窗簾：標準窗連布料路軌約 $500–1,500/幅，高級布料可達 $3,000–5,000/幅；布料另計約 $120–490/碼
- 鋁百葉簾：約 $100–200/平方呎，精確調光，廚房書房適用
- 木百葉簾：約 $200–400/平方呎，質感好但香港潮濕天氣要揀防潮處理
- 蜂巢簾：約 $180–350/平方呎，隔熱慳冷氣，西曬房間首選
- 垂直簾：約 $120–250/平方呎，適合落地玻璃大窗
全屋訂造（一房一廳約 3–5 幅）總價一般由幾千元到萬幾元不等，視乎款式同布料等級。
三大隱藏收費，報價前必問
- 「係咪包安裝、包路軌？」 — 好多報價只係布錢，裝嗰陣先加收路軌同人工
- 單幅最低消費 — 只換一幅窗簾，師傅通常收 $600–800 最低出工費；約齊全屋一齊換抵好多
- 特殊窗加價 — 落地大窗、弧形窗、窗台樑位都要額外配件，報價前講清楚窗型
點樣慳錢唔犧牲質素？
- 客廳用靚啲、睡房求實際：客廳係門面，揀質感好嘅布；睡房主力遮光，捲簾或遮光布已經夠用
- 善用免費度尺：度得準先唔會買錇尺寸，返工重做最貴
- 攞兩三個報價比較：留意係「連工包料」定「淨料價」，唔好淨睇個總數
恆麗窗簾：免費度尺・報價唔收隱藏費
恆麗窗簾喺荃灣開業超過 20 年，免費上門度尺、報價列明布料路軌安裝，無隱藏收費。想即時估價，可以用網上報價工具；想傾細節，直接 WhatsApp 5407 6026 或致電 2402 8198，又或者嚟荃灣門市摸吓布板先決定。